Сирия мемлекетінің билігі Израиль үкіметіне ДАИШ-ты қару-жарақпен қамтамасыз етіп келген деген айып тағып отыр. Бұл айыптаудың негізі де жоқ емес. Сирия әскері ДАИШ құрсауында болған аймақтарды қайтарып алу барысында жаудың қару-жарақ қоймасына тап болған. Лаңкестер қолданған қарулар мен оқтар, байланыс құралдарының барлығы дерлік Израиль өнімі болып шыққан. Атап айтқанда, минометтер мен пулеметтер, 800-ге жуық артиллериялық снарядтар және 10 000-нан астам оқтар табылған. Бұл қару-жарақтардың барлығы Хама және Хомс провинцияларының азат ету операциясы аясында қолға түскен. Кезінде Израиль мемлекетіне ДАИШ лаңкестерінің қолтығына су бүркіп, жасырын көмек көрсетіп отыр деген айыптаулар бірнеше рет айтылған болатын.